New York, NY, USA
46 reviews$280 - $320 / Day
Request QuoteNigar Jafarova
Produced for Voice of America
Bərdə Qadın Klubu 2021-ci ilin yanvarında təsis edilib. Burada qadınlara kompyuter bilikləri öyrədilir, gender bərabərliyi mövzusunda təlimlər keçirilir, hüquqi və psixoloji yardım göstərilir. Klubun yaradıcısı Ülviyyə Babasoy deyir ki, indiyə kimi 250-dən çox qadına dəstək ola biliblər.
Produced for Voice of America
“Neftçilərin Hüquqlarını Müdafiə Təşkilatı”nın rəhbəri Mirvari Qəhrəmanlı deyir ki, əvvəllər ölkəyə gələn xarici şirkətlərdə yerli işçilərin hüquqlarının pozulması faktları sayca çox idi, amma hazırda Dövlət Neft Şirkətinin pozuntularına daha çox rast gəlmək olur. Mirvari Qəhrəmanlı bildirir ki, 2018-ci ildə Neftçilərin Hüquqlarını Müdafiə Təşkilatı lazımi islahatlar haqqında məlumatı Dövlət Neft Şirkətinə, Energetika Nazirliyinə və Parlamentə təqdim edib. Hüquq müdafiəçisi hesab edir ki, islahatlar kadr dəyişikliyindən başlamalıdır. Bilal Həsən 20 ilə yaxındır ki, neft sahəsində çalışır. Əvvəllər Azərbaycanda bir neçə şirkətdə fəaliyyət göstərsə də, hazırda peşəsini xaricdə davam etdirir. Bilal Həsən deyir ki, Azərbaycanda devalvasiyadan sonra neft işçilərinin xaricə axını başladı. Onlar daha çox Birləşmiş Ərəb Əmirlikləri, Qətər, Oman, Küveyt kimi ölkələrə getdilər. Mirvari Qəhrəmanlı əlavə edir ki, Dövlət Neft Şirkətində çalışan işçilərin yalnız 16 faizi qadındır. Hüquq müdafiəçisi bunu gender diskriminasiyası hesab edir. Azərbaycan Respublikası Dövlət Neft Şirkətindən iddialarla bağlı açıqlama istəsək də, suallarımıza cavab ala bilmədik.
Produced for Voice of America
İlk dəfə 2016-cı ildə səhnələşdirilən “Baladadaşın toy hamamı” müzikli artıq 7-ci ildir ki, nümayiş olunur. Əsərin bəstəkarı Firudin Allahverdi şikayət edir ki, Mədəniyyət Nazirliyi hələ də onun qonorarını verməyib. Bəstəkarın sözlərinə görə, Nazirlik bildirib ki, maksimal qonorar ancaq yaşlı bəstəkarlara verilir. Firudin Allahverdi deyir ki, Bəstəkarlar İttifaqı onun əsərinə müzikl olduğu rəyini versə də, Mədəniyyət Nazirliyi əsərin başqa janrda olduğunu iddia edir. Bəstəkar prezidentə və vitse-prezidentə də şikayət məktubu yazıb. O, məhkəməyə müraciət etmək haqqında düşünür. Musiqişünas Tansu Kamal deyir ki, bəstəkarın yazdığı əsərin janrı Bəstəkarlar İttifaqı tərəfindən təsdiq edilirsə, əlavə sübuta ehtiyac yoxdur. Azərbaycan Respublikası Naziirlər Kabinetinin qərarında müzikl üçün qeyd olunan minimum məbləğ 10000 manat göstərilir. Mədəniyyət Nazirliyi bildirir ki, “Baladadaşın toy hamamı” tamaşasına yazılmış musiqi əsərinə görə Firudin Allahverdiyə 5000 manat qonorar təklif edilmiş, məbləğ müəllifi qane etmədiyindən imtina etmişdir. Nazirliyin açıqlamasına görə hazırda əsərlərin alınmasında obyektivliyin qorunması məqsədilə islahatlar aparılır.
Produced for Voice of America
İlhamə Kərimova əvvəllər gözəllik salonunda çalışsa da, bir aydan çoxdur ki, işsizdir. Həyat yoldaşı Urfan Kərimov isə restoranda aşpaz kimi fəaliyyət göstərir. Deyir ki, övladlarının təhsili üçün bəzən istirahət günü də daxil, fasiləsiz işləyir, amma yenə də aylıq xərcləri çatdıra bilmir. Dövlət Statistika Komitəsinin 2021-ci il hesabatında ərzaq xərcləri ölkə üzrə 43,6 faiz təşkil edib. Eyni zamanda statistikada istirahət və mədəniyyət xidmətlərinə 3,7 faiz, təhsilə edilən xərc isə cəmi 1,6 faiz göstərilib. 2022-ci ilin yanvar-oktyabr aylarına görə ərzaq xərcləri artıq 51 faizi keçib. İqtisadçı-ekspert Fərid Mehralızadə deyir ki, insanların büdcəsində qida və ərzaq xərcləri nə qədər çox yer tutursa, həmin şəxslərin iqtisadi inkişaf göstəriciləri bir o qədər aşağıdır. Dövlət Statistika Komitəsinin məlumatına görə, 2021-ci ildə Azərbaycanda orta aylıq adambaşına gəlir 300,6 manat olduğu halda, xərc 308,6 manat təşkil edib. Ekspert hesab edir ki, insanların xərclərini müəyyən edən amil, ilk növbədə, onların gəlir səviyyəsidir. Kərimovlar deyir ki, bir neçə il əvvəl ev tikməyə başlasalar da, indiki qiymət bahalığı işlərini yarımçıq qoyub. Hazırda nə evlərini təmir edə, nə də kreditsiz yaşaya bilirlər. Bununla yanaşı, ailə ən çox pulu uşaqların dərs hazırlıqlarına və kommunala xərcləyir. Kərimovlar ailəsi üçün geyim və istirahət xərcləri ən sonuncu yerdədir.
Produced for Voice of America
Nazlı İbadova Maştağa qəsəbəsində yaşayır. O, 9-da işə çata bilmək üçün hər səhər 8-ə 10 dəqiqə işləmişdən dayanacaqda gözləyir. Deyir ki, avtobusun dəqiq gəlmə vaxtı bilinmir. Hər gün Bakı kəndlərinə gedən minlərlə insan ya avtobuslardan, ya da metro çıxışında dayanan “manatlıq” taksilərdən istifadə etməli olur. Sakinlər şikayətlənir ki, avtobusların sayı azdır, intervalda gecikmələr baş verir. Ümumilikdə, Bakı kəndlərinə gedib-gəlmək onların xeyli zamanını alır. Buna baxmayaraq, Bakı Nəqliyyat Agentliyinin mətbuat katibi Mais Ağayev ötən ay sosial şəbəkə hesabında vətəndaşlara ictimai nəqliyyatdan istifadə etməyi tövsiyə edib. 2000-ci ilin əvvəllərində sakinlər Maştağadan şəhərin mərkəzinə elektrik qatarı vasitəsilə gedib-gələ bilirdilər. Sonradan qatarların fəaliyyəti dayandırılıb. 2010-cu ildə prezident İlham Əliyev “Dəmir yolu nəqliyyatının 2010–2014-cü illərdə inkişafına dair sərəncam imzalayıb. 2015-ci ildə Bakı-Sumqayıt dəmir yolu xətti fəaliyyətə başlasa da, Maştağa, Bağlar, Buzovna, Şüvəlan kimi ərazilərdə dəmir reyslərinin, demək olar ki, hamısı sökülüb. Nəqliyyat eksperti Rauf Ağamirzəyev hesab edir ki, alternativ nəqliyyat növləri olmadan tıxacların qarşısını almaq mümkün deyil. Ekspert bildirir ki, dəhlizlər üzrə yüngül reysli dəmiryolu sisteminin bütün şəhər ətrafı ərazilərə qaytarılması lazımdır. Dövlət Statistika Komitəsinin məlumatına görə, 2002-ci ildə dəmir yolu ilə gün ərzində 4442, avtobus ilə 746633 nəfər daşınıb. 2021-ci ildə isə gündəlik 2826 nəfər dəmir yolundan, 1 milyondan artıq adam isə avtobusdan istifadə edib. Rəqəmsal İnkişaf və Nəqliyyat Nazirliyinin açıqlamasına görə, dəmir yolu nəqliyyatının bərpası və inkişafı Bakı Şəhərinin 2040-cı ilə qədər nəzərdə tutulmuş Baş Planında yer alıb. Nazlı tıxacdan asılı olaraq, gedib-qayıtmağa gün ərzində 3-4 saat vaxt sərf edir.
Produced for Voice of America
Afaq və Ceyhun 4 aydan çoxdur ki, ailə qurublar. Kirayə ev axtarışına çıxan cütlük, çətinliklə də olsa, Bakıxanov ərazisində 400 manata mənzil tapa bilib. Onlar deyir ki, mərkəzdən bir az aralıda 300-350 manata evlər tapsalar da, yaxşı şərait və təmir olmadığına görə imtina ediblər.
Camera
Production Support
Post Production